廚房鋅盤塞左點算？4大通渠方法＋預防秘訣一次睇清

鋅盤塞左點算？4招！DIY+解決方法

廚房鋅盆堵塞的時候有咩方法可解？無論係去水慢定完全唔郁，以下4招都可以幫到您應急處理鋅盤淤塞情況：

熱水沖洗法

呢個係最簡單又安全嘅做法，特別適合應對油脂類型嘅輕度堵塞，建議每週做一次，當日常保養都非常好用。以下是熱水沖洗做法：

1. 用煲熱水煲到60°C~80°C左右
2. 慢慢將熱水分幾次倒入鋅盤排水口
3. 熱水可以溶解積聚嘅油脂，同時沖走微細雜質

梳打粉＋白醋法

呢個係網民熱推嘅天然通渠法，適合用喺油脂、污垢堵塞初期。梳打粉＋白醋會產生氣泡，幫助分解油脂與異味來源。以下是梳打粉＋白醋做法：

1. 先將半杯梳打粉倒入排水口
2. 跟住再加入半杯白醋
3. 等約5~10分鐘，等化學反應發揮功效
4. 最後用熱水沖洗

通渠工具處理

如果塞得比較實，可以操作簡單的通渠工具，使用前記得戴手套，避免直接接觸污水或細菌：

• 吸盤疏通器（Plunger）：利用氣壓原理抽出堵塞物，使用時建議先加少量水密封排水口
• 手搖通渠蛇（Plumbing Snake）：細長金屬線伸入鋅盤中，可將渠管中的食物殘渣、廚餘或污物鉤出

找專業通渠服務

如果試過以上方法都搞唔掂，切勿隨便用強酸通渠水，會腐蝕水管甚至引發漏水！若您搞唔掂或者懷疑係深層堵塞，搵專業師傅通渠會更安全有效：

• 師傅備有專業工具如高壓水機／電動通渠器可深入疏通彎管
• 師傅可協助處理持續惡臭、水倒流...等根本問題
• 師傅可為您更換隔氣膠、防臭器材，徹底升級去水系統

避免誤用通渠產品！以下做法唔建議

通渠佬、哥士的...等坊間好多聲稱快速見效嘅通渠產品，若無正確使用，其實有啲對屋企反而有害！最好使用天然成分或正規工具，唔好貪快亂用化學藥劑。以下做法唔建議：

• 強酸／強鹼性通渠劑：會腐蝕金屬水管、融化隔氣膠，長期使用恐怕導致水管穿孔或漏水
• 鐵線、衣架亂撬：雖然表面上似乎搞掂咗，但易損壞彎位或推污物更深入
• 吸盤錯用：冇水密封、未封住另一個出水口，會令氣壓減弱，效果打折

鋅盤去水慢呢啲情況要搵師傅幫手？

唔係每次鋅盤塞住都可以DIY解決，專業師傅會根據實際結構提供專業建議與改善方案，例如：加裝防臭彎、換隔氣膠或更換舊水管。以下情況就建議搵專業師傅處理：

• 鋅盤完全唔郁／水倒流
• 每隔幾星期就重複塞渠
• 有持續惡臭味道排唔走
• 嘗試DIY多次都冇改善
• 屋企用緊舊式水管／老化鋅盤結構

鋅盤塞住常見症狀

您可能已經遇過以下情況，但未必知道係鋅盤開始塞，千祈唔好忽視，越早處理越易搞掂：

• 水倒流或積水
• 排水聲異常（咕嚕聲）
• 有腥臭味湧上嚟
• 鋅盤底部濕漉漉／滲水

點解廚房鋅盤會塞成因逐點分析

了解成因，針對性清理＋設計改善，先至可以真正防止再塞！以下鋅盤會塞成因逐點分析，讓您可以對症下藥：

• 油脂積聚：最常見，尤其係煮完飯後未清走油脂
• 食物渣滓：粟米殼、菜葉、咖哩渣容易卡住水管
• 清潔劑與雜物反應：洗潔精與油垢混合會凝固
• 隔氣膠老化變形：鬆脫後會卡住異物或漏味
• 設計問題：舊屋水管彎位太多或傾斜角度不對

廚房鋅盤日常保養重點

保養得宜，唔單止鋅盤順暢，成個廚房都會冇臭味！預防永遠好過補救，以下習慣幫您維持鋅盤通爽：

• 每日熱水沖洗一次，沖走細油脂
• 每週一次梳打粉＋白醋保養
• 加裝濾網／隔渣器，避免硬物入水管
• 定期拆隔氣膠清洗
• 唔好將油倒落鋅盤！ 可用紙抹乾先倒入垃圾桶

鋅盤塞住唔知點搞？交給專業通渠師傅

自己處理唔到？試過幾招都冇效？唔好再等！立即點選【免費取得報價】提出需求，快速配對專業通渠師傅！多位持牌水喉師、通渠專家即時睇單報價，價格透明，保養建議更專業。唔洗自己煩，安心交俾專家搞掂！您也可以點選【通渠公司】了解相關資訊，快速、完善處理鋅盤、洗手盆淤塞問題。