廁所塞咗點算好？呢幾招通渠法您要識

馬桶塞咗好煩？先了解常見原因

好多時馬桶堵塞並唔係即時造成，而係日積月累嘅問題，主要原因包括：

• 水管內有淤塞物：濕紙巾、衛生巾...等非溶性物品倒入廁所，卡喺S型管道或排水彎位
• 水管壁累積堵塞：食物殘渣、油脂倒入馬桶，冷卻後附著水管內壁形成淤塞物
• 樓宇排水系統問題：排水斜度比例有問題，就會影響排泄物流通
• 管道設計問題：管道老舊或彎位過多、排水管長度不足

DIY通渠方法分享：唔駛專業工具都搞得掂！

發現廁所塞咗、沖水唔落，仲見到水位越升越高，未必第一時間就要搵人上門收幾百蚊。根據經驗，如果情況未算嚴重，可以先試下以下簡單通渠妙招，自己DIY都有機會搞得掂！

1. 熱水 + 洗潔精法

呢個方法係最多人用，又最簡單。準備一壺攝氏50至60度熱水（切勿滾水，以免爆裂陶瓷）混合洗潔精，慢慢倒入馬桶，再等15至30分鐘。熱水可以軟化淤塞物，洗潔精有助潤滑與分解，如果只係少量紙巾或油脂堵塞，多數一沖就通。

2. 梳打粉 + 醋清潔法

將半杯梳打粉倒入馬桶，再加入半杯白醋，等佢起泡發酵約10至15分鐘，然後用熱水沖走。呢個方法主要用嚟清潔排水管道表層雜質與異味，效果未必即時，但勝在天然無害，適合定期保養。

3.使用通渠水

如果馬桶塞咗，也可試下用通渠水（即哥士的）處理。呢啲通渠水含有強效化學溶解劑，對分解毛髮、油脂、排泄物都有一定效果，係處理較嚴重堵塞嘅其中一招。但強效化學溶解劑對人體、馬桶及污水系統工程都有潛在損害。建議唔好亂用，尤其唔好混用多種化學品，以免產生有毒氣體。

4. 馬桶吸盤（通渠泵）法

屋企有通渠泵（馬桶吸盤）？發揮佢真正實力嘅時候嚟啦！記得確保馬桶有水覆蓋吸盤底部，吸緊之後用力上下抽動，約10下為一輪，再試沖水。透過氣壓變化製造「推力」，可以將卡喺S型管道入面嘅堵塞物震散。

5. 通渠蛇或鐵線衣架法

如果懷疑有異物卡住，可以考慮用「通渠蛇」或改裝鐵線衣架（記得包膠布防刮）插入水管，試圖搗散或勾出阻塞物。但操作時記得要慢、有耐性，避免用力過度損壞陶瓷或水管內壁。

呢啲情況就唔好再自己搞，搵通渠師傅啦！

專業通渠師傅會使用通渠蛇、內窺鏡或高壓水槍處理，安全又快。當出現以下狀況，呢啲問題就會影響到排泄物管道、污水系統工程正常運作，建議搵專業師傅：

• 座廁淤塞處嚴重阻塞
• 沖水唔落、反水，甚至滿瀉
• 廁所有異味或傳出「咕嚕」聲
• 多個去水位同時阻塞，可能涉及總喉問題
• 已試盡方法仍解決唔到問題

日常點保養，先唔會成日塞？

排水管保養得好，先唔使經常煩緊塞咗點算！唔想成日塞，呢幾招平時可以試：

• 每星期用熱水沖一次水喉，減少油脂積聚
• 唔好亂倒油渣、咖啡渣
• 嚴禁將非溶性雜物掉落馬桶
• 用「可分解」或「可沖廁」紙品

廁所塞咗點搵可靠通渠師傅？

唔知馬桶塞咗點算好？交俾師傅整就搞掂！但有時搵唔到師傅整都係一大困擾。建議選擇平台搵師傅，咁就唔會再出現「塞咗又搵唔到人」咁尷尬。想搵到啱嘅師傅，呢幾點您要知：

• 睇清楚報價、有冇附加費
• 比較施工器材、保養期
• 睇平台上網上評價、服務紀錄

搵通渠師傅就上PRO360達人網！

馬桶塞咗搵唔到師傅？在PRO360達人網可快速找到專業通渠師傅、水喉師傅解決問題！只要點擊【通渠公司】就可了解更多相關資訊與服務內容，也歡迎您直接點選【免費取得報價】提出需求，讓平台上專業的通渠師傅為您服務。