洗手盆去水慢可能暗藏危機？小心越整越嚴重！

洗手盆排水慢係警號？

唔少人見到洗手盆排水慢，會以為只係普通日塞問題，拖一拖都無所謂。不過，其實呢個「慢」好可能係大塞渠前兆。喉管內部積聚嘅油脂、毛髮、梳打粉沉澱物，一旦累積過多，就會令水流越嚟越慢，最終造成完全唔通，甚至引發水管爆裂、水倒流、發霉...等連串問題。拖得越耐，問題越嚴重，維修成本就越高！

洗手盆去水慢常見原因

好多時洗手盆排水慢，都係因為啲污糟嘢日積月累卡喺去水喉入面。以下列出常見造成堵塞嘅原因，您可以對症下藥：

• 毛髮積聚：洗手時掉落嘅頭髮會黏住油脂，慢慢堆積成大團，卡住喉管
• 肥皂渣與洗面奶殘留：呢啲化學物質經常沉澱喺管道內壁，日積月累形成「軟性阻塞」
• 油脂類殘渣：即使只係洗手或清洗小件物品，有時油份都會經洗手盆流入喉管，黏住其他雜物
• 喉管設計問題：U型去水隔氣若果角度唔正確或者已經老化變形，都會影響排水效率
• 老化水喉內壁粗糙：舊喉管內部變得粗糙，容易卡住微細雜物，令阻塞問題加劇

洗手盆DIY通渠方法可唔可靠？

雖然DIY方法有一定成效，但若試過幾次渠道問題都未改善，千祈唔好硬推，避免將堵塞物推得更入或刮花水喉內壁，令情況惡化！以下整理常見DIY解決方法可以試試：

用熱水加梳打粉＋白醋

將熱水、梳打粉同白醋倒入去水口，有助溶解油脂污垢。不過只適用於輕度阻塞，重塞效果唔明顯。

使用液體通渠劑

將通渠泡泡擠向洗手盆去水位約10次，等候30分鐘後再用熱水沖洗。完成後可做簡單去水測試，睇吓水流有無改善。化學劑可分解堵塞物，但遇上頑固堵塞可能要配合其他工具一齊使用。

使用吸盤泵

將吸盤泵（通渠神器）放喺去水口上產生吸力，然後重複上下抽動，幫助排走皂液、頭髮、油脂...等表層堵塞物。

使用通渠工具

可用彎曲鐵線、通渠藤或通渠彈弓...等通渠工具，鉤出去水口附近嘅毛髮或雜物，或是將佢伸入喉管深處，利用旋轉同拉力破壞並拉出深層堵塞物。

避免錯誤洗手盆處理方式

錯誤使用通渠工具可能會令情況雪上加霜，甚至整壞成條水喉！以下整理常見但千祈唔好做嘅錯誤處理方式：

• 濫用通渠水：哥士的、通渠水含強烈腐蝕成分，長期使用會損傷水喉，甚至引起滲漏
• 胡亂拆U型喉：非專業人士強行拆開U型去水隔氣容易搞到漏水、裝唔回，得不償失
• 吸盤過度使用：反覆用吸盤可能導致水壓反彈，令污物倒流或移位，令情況更加惡化
• 拖延處理：越拖延，淤塞物越硬化，最終變成死塞，要開牆挖渠大修，費用唔輕

自行解決 vs 專業處理

專業通渠師傅有電動蛇機、高壓水槍、管道內視鏡...等設備，能夠準確搵出問題所在，再對症下藥。相比自己亂試，專業處理唔單止省時省力，仲保障樓宇安全。以下整理兩者適用情況：

自行解決適用情況：

• 淤塞問題輕微
• 水仍然緩慢流走

應找專家處理情況：

• 淤塞問題嚴重
• 完全唔通水
• 異味持續散發
• 排水時聽到「咕嚕咕嚕」聲
• 試過 DIY 多次仍然無效

預防勝於治療：日常洗手盆保養貼士

唔好等到淤塞情況變嚴重先至處理，其實平時做啲簡單保養步驟，就可以大大減少洗手盆去水慢嘅機會！以下貼士幫到您水喉暢通無阻：

• 每星期用熱水沖洗：可溶解肥皂渣與油脂，保持管道通爽
• 裝濾網：有效阻擋頭髮、碎渣落入喉管
• 減少油污流入洗手盆： 煎炸工具或餐具先以紙吸附油脂，避免清洗時油污流入洗手盆
• 每月使用天然方法清潔：定期用梳打粉＋白醋作深層去污，有效延長水喉壽命

排水慢唔係小事，搵專業師傅輕鬆解決

唔好再忍受洗手盤排水慢嘅困擾啦！小小問題如果唔及早處理，分分鐘會變成爆渠災難。點選【通渠公司】可了解通渠服務相關資訊，也可點選【免費取得通渠報價】即刻搵可靠嘅鋅盤通渠達人，比專業師傅幫您檢查同通渠，仲可以比較唔同報價，揀最適合自己預算同時間嘅方案！

若是水喉水務問題，也可以在PRO360達人網快速找到專業師傅協助！點擊【水喉維修】就可了解更多相關資訊與服務內容，也歡迎您直接點選【免費取得報價】提出需求，讓平台上專業的師傅為您服務。